Dagdraumar og hugljómanir : heimkynni skapandi hugsunar

Abstract

Hver eru tengsl á milli dagdrauma og hugljómana og eru hugljómanir háðar dagdraumum? Ég mun skoða hvað það felur í sér að vera skapandi einstaklingur og hvaða þættir geta hamlað manni frá því að vera skapandi í starfi og leik. Ég sæki heimildir að miklu leyti í bókina “Managing Creative People” eftir Gordon Torr ásamt því að leita fanga hjá Nicholas Carr, Abraham H. Maslow og Sir Ken Robinson svo fátt eitt sé nefnt. Helstu niðurstöður þessarar ritgerðar eru að skýr tengsl eru á milli dagdrauma og skapandi hugsunar. Heimildirnar benda til að hugljómanir séu oft á tíðum afleiða dagdrauma. Heilinn er fær um að mynda nýjar tengingar sem gerir okkur „fræðilega“ fært að styrkja þær líffræðilegu forsendur sem skapandi hugsun byggir á í grunninn.