Af Michael Nyman og tónsmíðum hans : greining á tónlist við kvikmyndina The cook, the thief, the wife and her lover

Abstract

Tónlist Michael Nyman einkennist af taktföstum strengjum, dynjandi blásturshljóðfærum, endurteknum frösum sem flæða ólýsanlega og breytast smátt og smátt og rytmum sem skarast á og mynda fullkomið mótvægi við hreinar laglínur og einfalda hljóma. Tónlist hans er mínímalísk með tilvísunum í tónlist meistara fyrri alda, skemmtileg blanda með kómískum undirtón sem kom hinu breska tónskáldi á kortið á 8. áratugnum.Michael Nyman er einna þekktastur fyrir störf sín sem tónskáld í hinum ýmsu kvikmyndum, einna helst fyrir samstarf sitt við leikstjórann Peter Greenaway og tónlistina í Óskarsverðlaunakvikmyndinni The Piano. Þeir Nyman og Greenaway gerðu nokkrar kvikmyndir saman en í ritgerð þessari er einkum fjallað um tónsmíðar hans fyrir kvikmyndina The Cook, The Thief, His Wife And Her Lover.Nyman hefur ekki einungis starfað sem tónskáld í gegnum tíðina heldur hefur hann einnig markað djúp spor í tónlistarsöguna bæði er hann gaf út bók um tilraunatónlist, Experimental Music: Cage and Beyond þar sem hann fjallar um tilraunatónlist og tónsmíðar breskra og bandarískra tónskálda eftir seinni heimsstyrjöldina og þegar hann hóf notkun orðsins „mínímalismi“ yfir tónlist tónskáldsins Cornelius Cardew. Síðan þá hefur orðið fest sig vel í sessi en þrátt fyrir að vera hrifinn af mínímalistunum svokölluðu mætti eiginlega flokka Nyman sjálfan sem síðmínímalista, einkum vegna áðurnefndra tilvísana.