Heimsborgarahyggja. Réttlæti og jöfnuður

Abstract

Í þessari ritgerð er heimsborgarahyggja rannsökuð bæði sögulega og með því að skoða tvö dæmi frá heimspekingum í nútímanum. Heimsborgarahyggjan er rakin frá Díógenes hundingja og fram til nútímans. Síðan eru skoðuð rök Johns Mandles fyrir því að réttlæti krefjist þess að tiltekin lágmarks skilyrði séu uppfyllt og rök Simons Caney fyrir því að það sé ekki nægilegt. Athyglinni er beint að notkun jafnaðarhugtaksins í heimsborgarahyggjunni og greint á milli inntaks jafnaðarhugtaksins og forsendna þess. Leitast er við að leiða rök að því að lágmarksskilyrðin nægi til að kröfum réttlætisins sé fullnægt.