Er hagkvæmara fyrir heildsölu að afhenda allar vörur til Aðfanga eða hluta vara í verslanir Bónus?

Abstract

Verkefnið fjallar um hagræðingarmöguleika á dreifingu vara frá heildsölunni NN til verslana Bónus. Markmið þessa verkefnis er að kanna hvort hagkvæmara sé fyrir NN að afhenda vörur í Aðföng sem sér um að dreifa í verslanir Bónus eða halda óbreyttu skipulagi sem er að dreifa hluta varanna í Aðföng og hluta beint í verslanir Bónus.Ástæða þess að þetta er skoðað er sú að eigendur Bónus verslananna hafa gefið til kynna að þeir vilji flytja allar vörurafhendingar í Aðföng.Ef afhenda á allar vörur til Aðfanga hefur það í för með sér aukinn afslátt til þeirra. Stjórnendur NN óskuðu eftir úttekt á hvaða áhrif þetta myndi hafa fyrir heildverslunina og tillögum að breyttu skipulagi á sölumannastörfum og dreifingarfyrirkomulagi til að vega upp á móti þessum afslætti.Helstu niðurstöður eru þær að hagkvæmara er fyrir heildsöluna að afhenda allar vörur í Aðföng. Athugunin leiddi í ljós að með skipulagsbreytingum á sölumannaferðum og hagræðingu sem næst við útkeyrslukostnað er ávinningur af því að afhenda vörur í Aðföng meiri heldur en ef skipulag er óbreytt. Sú hagræðing sem næst með breyttu skipulagi á sölumannaferðum og breytingu á afhendingu varanna nemur X krónum á ársgrundvelli.Lykilorð: Kostnaður, sölumannaferðir, öryggisstig, afhendingartími og ákvarðanataka.