Verðmat fyrirtækja : „gefa þekktar verðmatsaðferðir raunsanna mynd af verðmæti fyrirtækja?“

Abstract

Í ritgerð þessari er fjallað um verðmat fyrirtækja og leitast við að svara eftirfarandi rannsóknarspurningu:“Gefa þekktar verðmatsaðferðir raunsanna mynd af verðmæti fyrirtækja?”Til þess að svara spurningunni er útskýrt hvað verðmat er, hvernig það er notað og af hverjum. Sérstaklega eru teknir fyrir hinir ýmsu óvissuþættir sem eru til staðar við gerð verðmats. Það er framkvæmdin sjálf þar sem greinandinn er í aðalhlutverki. Einnig er fjallað um innra og ytra umhverfi fyrirtækja en vönduð og fagleg greining á þeim þáttum er ein af undirstöðunum.Ársreikningum fyrirtækja og kennitölum eru gerð góð skil þar sem þau gögn eru undirstaða verðmats á fyrirtækjum. Fjallað er um helstu aðferðir sem notaðar eru við gerð verðmats. Aðferðafræðinni lýst og helstu sjóðstreymisaðferðir kynntar til sögunnar. Annarra aðferða er einnig getið.Þá er gert raunverðmat á fyrirtæki í heildsölurekstri á frekar sérhæfðum markaði. Beitt er núvirtri sjóðstreymisgreiningu og dregnar upp nokkrar sviðsmyndir sem gætu komið upp.Niðurstaða höfundar er að hvorki er hægt að svara rannsóknarspurningunni játandi eða neitandi, sökum óvissu sem alltaf er til staðar við framkvæmd verðmats og ekki síður vegna þeirrar óvissu er framtíðin ber í skauti sér.Það er þó ljóst að vandað verðmat sem byggt er á gagnrýnni hugsun og ákveðinni aðferðarfræði getur gefið hlutaðeigandi góða yfirsýn yfir verðmæti og möguleika fyrirtækisins til framtíðar.Lykilorð: Verðmat fyrirtækja. Sjóðstreymisaðferðir. Óvissuþættir. Ársreikningar. Kennitölur.