en English is Íslenska

Thesis University of Akureyri > Hug- og félagsvísindasvið > B.A./B.Ed. verkefni >

Please use this identifier to cite or link to this item: http://hdl.handle.net/1946/12227

Title: 
  • Title is in Icelandic Menning í sögum og heimahögum : grenndarfræðimiðuð kennsla í grunnskóla.
Submitted: 
  • May 2012
Abstract: 
  • Abstract is in Icelandic

    Eftirfarandi ritgerð er lokaverkefni mitt til B.Ed. prófs í kennarafræðum við Háskólann á Akureyri. Viðfangsefni hennar er grenndarfræðimiðuð kennsla og samþætting námsgreina í grunnskóla og er markmiðið að varpa ljósi á hvort það að nýta heimabyggðina í skólastarfi sé vænlegur kostur. Grenndarfræði felur í sér fræðslu um nærsamfélagið og hefur að markmiði að efla sögu-, grenndar- og umhverfisvitund. Þessir þættir eru fléttaðir órjúfanlegum böndum og styrkja í sameiningu sjálfsvitund nemenda. Grenndarkennsla er leið til að koma grenndarfræði fyrir í skólastarfi. Með því að fræða nemendur um þeirra nánasta umhverfi er einnig verið að auka líkur á að heimahaginn þyki álitlegur kostur að búa á í framtíðinni.
    Ritgerðin skiptist í fjóra hluta og í þeim fyrsta er grenndarfræði skilgreind og hugtök sem henni tengjast. Í öðrum hluta er grenndarkennslu í skólasamfélaginu gerð skil og ýmsar hugmyndir útfærðar með markmið aðalnámskrár í huga. Hugmyndafræði þriggja fræðimanna og ýmsar kennsluaðferðir sem hægt er að tengja við grenndarkennslu er viðfangsefni þriðja hluta. Grindavík og grenndarkennsla er heiti á síðasta hluta ritgerðarinnar og þar eru fjögur vettvangsverkefni kynnt. Fjallað er um undirbúning kennarans og framkvæmdina á vettvangi. Einnig eru kynntar nokkrar leiðir að úrvinnslu verkefna fyrir nemendur sem byggðar eru á áfangamarkmiðum aðalnámskrár frá árinu 2007.
    Grindavík er bæjarfélag sem stendur á sunnanverðum Reykjanesskaga. Þar er náttúran hrjóstrug, fiskimiðin gjöful og jarðorka sem stendur undir fjölbreyttri atvinnustarfsemi. Með því að nota sögu og umhverfi Grindavíkurbæjar í verkefnavinnu er nemendum gefið tækifæri á að kynnast nærsamfélagi sínu um leið og sjálfsvitund þeirra er efld.

Accepted: 
  • Jun 19, 2012
URI: 
  • http://hdl.handle.net/1946/12227


Files in This Item:
Filename Size VisibilityDescriptionFormat 
B.ed. ritgerð, Menning í sögum og heimahögum.pdf573.42 kBOpenHeildartextiPDFView/Open