en English is Íslenska

Thesis University of Akureyri > Hug- og félagsvísindasvið > Meistaraprófsritgerðir >

Please use this identifier to cite or link to this item: http://hdl.handle.net/1946/1240

Title: 
  • is Í þennan skóla er hægt að koma frá vöggu til grafar : samfélagslegt hlutverk fámmenna skólans
Abstract: 
  • is

    Viðfangsefni þessarar rannsóknar er fámennir grunnskólar og eðli þeirra
    tengsla sem þeir mynda við samfélag sitt. Rannsóknin er tilviksrannsókn sem
    framkvæmd var í tveimur fámennum skólasamfélögum. Annars vegar var um
    að ræða fámennan grunnskóla sem talinn er mjög samfélagslega virkur. Hins
    vegar var samfélag þar sem nýlega var búið að leggja niður slíkan skóla.
    Gagna var aflað með viðtölum, vettvangsathugunum og skjalagreiningu.
    Fámennir skólar eru mikilvægur hluti skólaflórunnar hérlendis og forsenda
    þess að veita öllum nemendum aðgang að grunnmenntun í heimabyggð.
    Smæð þeirra og staðsetning í fámennum byggðarlögum skapar þeim einnig
    nokkra sérstöðu sem birtist meðal annars í möguleikum þeirra til að mynda
    víðtæk og öflug tengsl við samfélagið. Sú mynd sem rannsóknin dregur upp
    sýnir að tengsl fámenna skólans við samfélag sitt eru margþætt. Skólinn getur,
    þegar vel tekst til, verið leiðandi afl í félags- og menningarlífi síns
    byggðarlags. Tækifærin sem hann skapar íbúum samfélagsins til að hittast og
    taka höndum saman um ýmis verkefni eru dýrmæt og samfélagið nýtur einnig
    góðs af þeim mannauði sem er að finna í starfsfólki skólans.
    Lokanir og sameiningar grunnskóla mæta gjarnan harðri mótspyrnu og
    megnri óánægju samfélagsins enda geta slíkar aðgerðir haft mikil áhrif á
    samfélagið allt. Æ fleiri fámennir skólar hafa þó verið lagðir niður eða
    sameinaðir öðrum undanfarin ár. Þetta er yfirleitt gert undir merkjum
    rekstrarhagræðingar enda er grunnskólinn mörgum smærri sveitarfélögunum
    þungur í skauti eftir að þau tóku við rekstri hans af ríkinu. Umræðan um
    tekjustofna sveitarfélaganna, rekstur þeirra á grunnskólunum og hugsanlega
    fjárhagslega hagræðingu þarf því að taka tillit til margra þátta. Mikilvægt er
    að aðgerðir, sem ætlað var að styrkja sveitarstjórnarstigið snúist ekki upp í
    andhverfu sína og rýri þannig lífsgæði þeirra sem byggja dreifðustu byggðir
    landsins.

Accepted: 
  • Jan 1, 2007
URI: 
  • is http://hdl.handle.net/1946/1240


Files in This Item:
Filename Size VisibilityDescriptionFormat 
Fanney Ásgeirsdóttir_heild.pdf461.49 kBOpenÞennan skóla - heildPDFView/Open