Er þjóðarsagan karlkyns?

Abstract

Þjóðarsagan sem birtist í sögukennslubókum var lengst af útilokandi gagnvart erlendum áhrifum og gagnvart konum. Þetta stafaði ekki síst af þröngum efnissviðum sem tekin voru til umfjöllunar, einkum stjórnmálum í formlegum skilningi. Eftir 1970 hefur gagnrýni færst í aukana á hina karllægu áherslu í opinberri söguskoðun sem birtist í kennslubókum fyrir almannaskóla. Í ágúst 2011 birti Jafnréttisstofa harðorða skýrslu um kynjahlutfallið í völdum námsgögnum af þessu tagi á Íslandi og varð af henni allmikil umræða meðal skólafólks og sagnfræðinga. Í greininni er fjallað um þessa gagnrýni, hér og erlendis, vanda þessarar söguritunar og ástæður þess að hægt gengur.