Algengi og tegundir meiðsla í efstu deild kvenna í handbolta

Abstract

Handbolti er ein af vinsælustu íþróttunum í Evrópu á eftir fótbolta, körfubolta og blaki. Meiðsli í íþróttum sem snúast um snertingu eru yfirleitt mikil og er handbolti þar engin undantekning. Markmið rannsóknarinnar var að skoða tíðni, staðsetningu og tegund meiðsla hjá keppendum í efstu deild í handbolta kvenna. Öll níu liðin sem kepptu í efstu deild kvenna veturinn 2011-12 tóku þátt og liðsmenn þeirra svöruðu spurningalista. Það var um það bil 60% svarhlutfall sem er ásættanlegt. Niðurstöður sýna að algengustu meiðslin eiga sér stað á ökkla eða 20,4%, síðan meiðsli á hné 19,4%, því næst bakmeiðsli 16,5% og þar á eftir meiðsl á öxl 15,5%. Algengast var að þátttakendur væru frá æfingum og keppni í eina til tvær vikur eða í 39% tilvika. 18,6% þeirra þátttakenda sem meiddust voru frá í þrjá mánuði eða lengur.