en English is Íslenska

Thesis University of Iceland > Menntavísindasvið > B.A./B.Ed./B.S. verkefni - Menntavísindasvið >

Please use this identifier to cite or link to this item: http://hdl.handle.net/1946/12579

Title: 
  • Title is in Icelandic Stærðfræði í lífi leikskólabarna : inntak stærðfræðináms ungra barna
Submitted: 
  • June 2012
Abstract: 
  • Abstract is in Icelandic

    Ritgerð þessi, Stærðfræði leikskólabarna – Inntak stærðfræðináms leikskólabarna, er lokaverkefni til B.Ed. – gráðu í leikskólakennarafræðum við Menntavísindasvið Háskóla Íslands. Vægi verkefnisins er 10 ECTS-einingar.
    Markmið mitt með verkefninu var að kynna mér hvaða stærðfræði börn glíma við í dagsins önn og hvort mikill munur sé á stærðfræðihugmyndum og viðfangsefnum í leikskólum hér á landi og í Noregi. Hugmyndin að verkefninu kviknaði eftir að hafa starfað í mörg ár í leikskóla þar sem unnið er sérstaklega með elstu börnum í svokölluðum „elstu barna verkefnum“. Þar sem þau eru með mjög fjölbreyttu sviði ákvað ég að fjalla einungis um stærðfræðinám barna í leikskólum. Í þessari ritgerð er lýst hvernig börn á leikskólaaldri glíma við stærðfræðileg viðfangsefni í daglegum athöfnum í leikskólanum og hvernig leikskólakennarar geta nýtt þau tækifæri sem gefast til stærðfræðilegra viðfangsefna. Einnig er fjallað um helstu inntaksþætti í stærðfræðinámi barna og greint frá tíu mikilvægum atriðum sem leikskólakennarar þurfa að hafa í huga þegar kenna á ungum börnum stærðfræði.
    Ég skoðaði tvo leikskóla, einn íslenskan og einn norskan, og kannaði hvernig unnið væri með stærðfræði þar. Leikskólarnir tveir eru afar ólíkir en þó eru leikskólakennararnir í báðum leikskólunum meðvitaðir um þá stærðfræði sem börnin glíma við í dagsins önn. Þó má sjá ólíkar áherslur í umfjöllun um leikskólana þar sem í þeim norska var meira fjallað um stærðfræði út frá sjónarmiðum sérkennslu og í þeim íslenska var fengist við fjölþjóðastærðfræðiverkefni sem leikskólinn tók þátt í.
    Í leikskólum er mikil áhersla lögð á leik barna en leikurinn er börnunum sjálfsprottinn. Í gegnum leikinn fá börnin tækifæri til þess að rannsaka og vinna út frá eigin hugmyndum en börn á leikskólaaldri fást mikið við stærðfræði í leik og starfi.

Accepted: 
  • Jul 10, 2012
URI: 
  • http://hdl.handle.net/1946/12579


Files in This Item:
Filename Size VisibilityDescriptionFormat 
Stærðfræðinám í lífi leikskólabarna.pdf463.47 kBOpenHeildartextiPDFView/Open