Möguleg skylda dómstóla EFTA-ríkjanna til að óska eftir ráðgefandi áliti EFTA-dómstólsins

Abstract

Í ritgerðinni eru skoðuð nokkur sjónarmið tengd spurningunni um hvort dómstólum EFTA-ríkjanna geti verið skylt að biðja um ráðgefandi álit EFTA-dómstólsins. Fjallað er um forsögu Evrópusamstarfs, helstu stofnanir ESB og forúrskurð Evrópudómstólsins. Þá er að finna umfjöllun um EFTA, tilkomu EES-samningsins og EFTA-dómstólinn. Borin eru saman ráðgefandi álit EFTA-dómstólsins og forúrskurðir Evrópudómstólsins með tilliti til meginreglunnar um einsleitni og trúnaðarreglunnar. Þessum meginreglum eru gerð skil enda hafa þær mikil áhrif á umfjöllunarefni ritgerðarinnar. Þá er stuttlega fjallað um bindandi áhrif ráðgefandi álita og loks er spurningunni mögulega skyldu dómstóla til að biðja um ráðgefandi álit svarað. Niðurstaðan er í meginatriðum sú að þótt að ekki sé um formlega skyldu að ræða sé erfitt fyrir dómstóla að komast hjá því að biðja um ráðgefandi álit ef einhver vafi er um túlkun á EES-rétti.