Heimildarumboð og tengslin við 25. gr. samningalaga

Abstract

Ýmsar gerðir eru til af umboðum. Hér verður heimildarumboði gerð ýtarleg skil og skoðað hvaða tengsl eru á milli þess konar umboða og 25. gr. samningalaga nr. 7/1936. Byrjað verður á að gera grein fyrir því hvað almennt felst í umboði og svo sérstaklega rætt um hugtakið heimildarumboð. Farið verður í hvernig heimildarumboð stofnast og hver munurinn er á heimildarumboði og sjálfstæðu umboði. Því næst verður fjallað um hvernig löggerningar umboðsmanns eiga sér stað í skjóli heimildarumboðs og þær reglur skoðaðar sem eiga við þegar umboðsmaður fer út fyrir heimild sína. Að því loknu verður ábyrgð umboðsmanna skoðuð þegar um heimildarumboð ræðir og tengslin við 25. gr. smnl. Þá verður athugað hvernig efndir bóta samkvæmt 1. mgr. 25. gr. smnl. fara fram. Eftir það verður farið í undantekningar sem eru á ábyrgð umboðsmanna. Að lokum verður efnið tekið saman.