Réttur nemenda í skóla án aðgreiningar : rannsókn á náms- og félagslegri þátttöku nemenda í almennum bekk

Abstract

Hér verður greint frá niðurstöðum rannsóknar um náms- og félagslega þátttöku nemenda í almennum bekk. Rannsóknin byggir á viðtölum við níu nemendur á unglingastigi tveggja íslenskra grunnskóla. Markmið rannsóknarinnar var að skoða rétt nemandans innan skólakerfisins út frá íslenskum lögum og hvernig staðan er í raun. Viðtöl voru tekin við fimm nemendur sem þurftu á aðstoð að halda í sínu námi og fjóra nemendur sem voru alfarið inni í almennum bekk. Helstu niðurstöður voru þær að félagsleg tengsl voru nemendum mikilvæg. Nemendur í sérkennslu voru aðgreindir frá vinum sínum og þeim leið öllum einhvern tímann illa í skólanum. Þeir kvörtuðu allir yfir truflun á námi sínu og kennslu og fannst þeir standa verr að vígi í námi en jafnaldrar þeirra, sem voru ekki í sérkennslu. Jákvæð samskipti við kennara og skólayfirvöld voru öllum nemendum mikilvæg, hvort sem þeir voru í sérkennslu eða ekki.