is Íslenska en English

Lokaverkefni (Meistara)

Háskólinn í Reykjavík > Tæknisvið / School of Technology > Med/MSc Tækni- og verkfræðideild (-2019) / School of Science and Engineering >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12956

Titill: 
  • Virði alþjóðlegra umhverfisvottana í ferðaþjónustu á Íslandi
Námsstig: 
  • Meistara
Leiðbeinandi: 
Útdráttur: 
  • Ferðaþjónusta á Íslandi er háð umhverfinu og náttúru landsins. Náttúran er ein helsta auðlind landsins og felur í sér sterkt aðdráttarafl fyrir þá erlendu ferðamenn sem vilja heimsækja Ísland. Samkvæmt könnun sem gerð var meðal erlendra ferðamanna á Íslandi sumarið 2011 töldu 56% að það hefði mjög mikil/frekar mikil áhrif á val þeirra á ferðaþjónustufyrirtæki ef það væri með viðurkennda gæðavottun (Ferðamálastofa, 2012). Í dag eru aðeins um 10 ferðaþjónustufyrirtæki á Íslandi með alþjóðlega umhverfisvottun og eru þessi 10 fyrirtæki í mismunandi starfsgreinum innan ferðaþjónustunnar og af ólíkri stærð. Því vakna óneitanlega spurningar um hvers vegna ekki fleiri fyrirtæki hafi sóst eftir umhverfisvottun á sinni starfssemi. Er virði í því að taka upp umhverfisvottun? Skortir mögulega þrýsting frá yfirvöldum á ferðaþjónustuaðila? Vantar einhvern frekari hvata fyrir fyrirtækin? Svo virðist sem lítill þrýstingur sé á fyrirtækin að taka þetta skref þrátt fyrir að umhverfismálefni og umhverfisvottanir hafi verið í umræðunni í ferðaþjónustu um langt skeið. Umhverfisstjórnun skiptir ferðaþjónustu miklu máli upp á að verða sjálfbær atvinnugrein, hún tryggir stöðugar úrbætur í umhverfismálum, jákvæða þróun og góð áhrif á samfélagið í heild sinni.
    Þegar Hótel Hellnar, lítið hótel á Snæfellsnesi, hlaut Green Globe (í dag Earth Check) umhverfisvottun árið 2002 var það fyrsta ferðaþjónustufyrirtækið á Íslandi til að fá alþjóðlega vottun. Á svipuðum tíma fékk annað lítið hótel út á landi, Hótel Eldhestar, umhverfisvottun Svansins. Hópbílar, meðalstórt rútufyrirtæki á þessum tíma, var eitt af fyrstu fyrirtækjum á Íslandi til að hljóta umhverfisvottun samkvæmt ISO14001 árið 2004. Það er athyglisvert að bæði lítil fyrirtæki og í jafn ólíkri starfsemi séu fyrst fyrirtækja innan ferðaþjónustunnar til að hljóta þessar vottanir, sérstaklega í ljósi þeirrar umræðu að alþjóðlegar vottanir taki mikinn tíma, séu kostnaðarsamar og að þeir staðlar og ferlar sem í þeim felast henti ekki íslenskum ferðaþjónustufyrirtækjum.

Samþykkt: 
  • 12.9.2012
URI: 
  • http://hdl.handle.net/1946/12956


Skrár
Skráarnafn Stærð AðgangurLýsingSkráartegund 
Elsa_Gunnarsdóttir_ferðaþjónusta.pdf391.04 kBOpinnHeildartextiPDFSkoða/Opna