Atvinnumöguleikar fatlaðs fólks á Akureyri

Abstract

Þessi rannsóknarritgerð fjallar um atvinnumöguleika fatlaðs fólks á Akureyri. Hún byggist á eigindlegri rannsókn sem unnin var janúar til mars árið 2012. Í ritgerðinni er talað við þær þrjár þjónustustofnanir sem bjóða fötluðu fólki upp á hæfingu, verndaða vinnu eða atvinnu með stuðningi á Akureyri. Markmið ritgerðarinnar var að fá betri innsýn á hvernig þjónusta er í boði á hverjum stað fyrir sig það er að segja Skógarlund/Birkilund Hæfingarstöð, Plastiðjan Bjarg-Iðjulundur og atvinna með stuðningi. Tekin voru opin viðtöl við starfsfólk þessara þriggja þjónustueininga og kannað hverjir atvinnumöguleikar fatlaðs fólks eru eins og sjá má á rannsóknarspurningunni: Hverjir eru atvinnumöguleikar fatlaðs fólk á Akureyri? Helstu niðurstöður rannsóknarinnar voru þær að það er auðvelt fyrir fatlað fólk á Akureyri að fá vinnu við sitt hæfi, hvort sem það er líkamlega eða andlega fatlað.