is Íslenska en English

Lokaverkefni (Bakkalár) Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12977

Titill: 
  • Ekki vinir í kaffitíma? - félagsleg þátttaka nemenda í diplómanami fyrir fólk með þroskahömlun innan Háskóla Íslands
Námsstig: 
  • Bakkalár
Höfundur: 
Útdráttur: 
  • Rannsóknarskýrsla þessi er verkefni til BA-prófs við þroskaþjálfabraut Háskóla Íslands. Í skýrslunni er fjallað um félagslega þátttöku nemenda innan háskólans sem stunda diplómanám fyrir fólk með þroskahömlun. Diplómanámið er starfstengt tveggja ára nám á Menntavísindasviði Háskóla Íslands. Þetta verkefni byggir á fræðileguum bakgrunni, meðal annars kenningum um fullorðinshlutverk og félagslíf fatlaðs fólks. Greint er frá háskólanámi fyrir fólk með þroskahömlun, bæði erlendis og hér á landi.
    Til að kanna félagslega þátttöku þess hóps innan háskólans var framkvæmd eigindleg rannsókn sem fólst í fjórum þátttökuathugunum og tveimur opnum viðtölum. Þátttökuathuganir fóru fram í tveimur námskeiðum sem diplómanemendur sóttu ásamt ófötluðum nemendum á Menntavísindasviði. Þátttakendur rannsóknarinnar voru fimm einstaklingar með þroskahömlun, fjórar konur og einn karl. Könnuð voru samskipti milli diplómanemenda og samnemenda þeirra, bæði með og án fötlunar, en einnig samskipti milli diplómanemenda og kennara.
    Niðurstöður rannsóknarinnar benda til þess að félagsleg þátttaka diplómanemenda sé mjög einstaklings- og aðstæðubundin. Í ljós kom, að samskipti diplómanemenda við ófatalaða samnemendur sína eru ólík fyrir, í og eftir kennslutíma heldur en í kaffitíma og utan skólans. Það var afar misjafnt hvort diplómanemendur töluðu mikið við samnemendur eða sögðust hitta þá utan skólans. Almennt voru góð samskipti diplómanemenda við samnemendur og kennara áberandi. Niðurstöður rannsóknarinnar benda til að félagsleg þátttaka diplómanemenda í háskólanum mótist hvað mest af persónuleika hvers og eins. Jákvæð viðmót og góð móttaka ófatlaðra nemenda og kennara er þó mikilvæg undirstaða fullrar þátttöku diplómanemenda í háskólaumhverfinu.

Samþykkt: 
  • 12.9.2012
URI: 
  • http://hdl.handle.net/1946/12977


Skrár
Skráarnafn Stærð AðgangurLýsingSkráartegund 
Félagsleg þátttaka nemenda í diplómanami fyrir fólk með þroskahömlun innan Háskóla Íslands.pdf161.94 kBOpinnHeildartextiPDFSkoða/Opna

Athugsemd: Ekki vinir í kaffitíma? - Félagsleg þátttaka nemenda í diplómanámi fyrir fólk með þroskahömlun innan Háskóla Íslands