Reynslunni ríkari : greinagerð og handbók um nýtingu reynslumiðaðs náms í starfi með fötluðum og ófötluðum unglingum

Abstract

BA verkefni þetta skiptist í greinargerð byggða á heimildum og handbók sem unnin er upp úr greinargerðinni. Markmið verkefnisins er að svara því hvernig hægt sé að nýta reynslunámskenningar í frítímastarfi til að stuðla að aukinni blöndun ófatlaðra unglinga og unglinga sem nota óhefðbundin tjáskipti og hver félagslegur ávinningur unglinganna af því yrði. Svörin voru síðan nýtt til að vinna handbók um reynslumiðað námskeið fyrir fatlaða og ófatlaða unglinga. Mótun sjálfsmyndar er eitt megin viðfangsefni unglingsáranna. Það er mikilvægt að vinna á markvissan hátt með ófötluðum og fötluðum unglingum saman svo þau öll geti tekist á við unglingsárin á jákvæðan hátt og á jafningjagrundvelli. Reynslumiðað nám er kjörin leið til að vinna með samskipti fatlaðra og ófatlaðra unglinga sem jafningja. Þar getur vitneskja unglinga sprottið af persónulegri reynslu.