Ríkisstjórnarkosningar á sveitarstjórnarstigi? Hefur ríkisstjórnarseta áhrif á gengi flokka í kosningum á sveitarstjórnarstigi?

Abstract

Í lokaverkerkefni þessu er athugað hvort tengsl séu til staðar á milli þess hvað fólk kýs í sveitarstjórnarkosningum og þess hvaða ríkisstjórn situr á þeim tíma. Tekin eru fyrir tvö tímabil í verkefninu, annars vegar eru það kosningaárin 1978 - 1986 og hinsvegar 2002 - 2010. Farið er yfir sveitarstjórnarstigið og hvaða kosningakerfi er notast við þar. Stjórnmálaflokkarnir eru kynntir og lauslega farið yfir sögu þeirra. Að þvi loknu er umhverfið skoðað á þeim tímabilum sem eru til umfjöllunar í verkefninu. Sveitafélögin eru kynnt til sögunar og kosningaúrslit í hverju sveitarfélagi fyrir sig skoðuð yfir fyrrgreind ár. Sveiflur fylgis á milli kosninga eru skoðaðar og notaðar til að greina stöðu stjórnar og stjórnarandstöðuflokkanna í hverjum kosningum fyrir sig. Ljóst má vera að eftir að gögnin eru skoðuð að færa má rök fyrir því að tengsl séu á milli þess hverjir sitja í ríkisstjórn og þess hvaða flokka fólk kýs í sveitarstjórnarkosningum.