Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/13069
Viðfangsefni rannsóknarinnar er sjálfstæði sveitarfélaga og ábyrg fjármálastjórn þeirra og staða sveitarfélaga allt frá hinum fornu hreppum til stöðu sveitarfélaga á árinu 2012. Leitað er svara við fjórum megin rannsóknarspurningum sem settar eru fram til að leggja mat á hverjar séu helstu orsakir veikrar fjárhagsstöðu íslenskra sveitarfélaga.
Umfjöllunin er tengd skoðunum fræðimanna á umboðskenningum m.a. um freistnivanda og hrakval og hvort unnt sé að styðjast við mismunandi framsetningu þeirra kenninga til að varpa ljósi á slæma fjárhagsstöðu íslenskra sveitarfélaga.
Rannsóknin er byggð á eigindlegum rannsóknaraðferðum þar sem gögn og heimildir eru tekin til úrvinnslu og greiningar og þau lögð til grundvallar umfjölluninni í heild sinni.
Megin niðurstöður rannsóknarinnar eru að slæma fjárhagsstöðu sveitarfélaga á Íslandi megi m.a. rekja til veikleika í stjórnkerfi þeirra, skorti á sérþekkingu sveitarstjórnarmanna, veiku embættismannakerfi, fyrirkomulagi kosninga og aukinna krafna íbúa og hagsmuna-samtaka. Þá staðfestir rannsóknin að skortur á eftirliti með fjármálum sveitarfélaga á sl. árum og áratugum og skortur á samráði ríkis og sveitarfélaga um samstilltar aðgerðir í efnahagsmálum hafa haft neikvæð áhrif á fjárhagsstöðu íslenskra sveitarfélaga. Hins vegar leiðir rannsóknin í ljós að ekki er hægt að halda því fram að slæma fjárhagsstöðu sveitarfélaga megi rekja til veikrar stöðu sveitarfélaganna gagnvart ríkisvaldinu
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Skúli Þórðarson - MPA ritgerð.pdf | 1,06 MB | Opinn | Heildartexti | Skoða/Opna |