en English is Íslenska

Thesis University of Akureyri > Hug- og félagsvísindasvið > Meistaraprófsritgerðir >

Please use this identifier to cite or link to this item: http://hdl.handle.net/1946/1309

Title: 
  • is Hugmyndir, reynsla og viðmið tengd kennslu barna með dyslexíu
Abstract: 
  • is

    Góð lestrarfærni er talin æ mikilvægari í upplýsingaþjóðfélagi nútímans, bæði sem
    undirstaða náms og sem forsenda þátttöku í lýðræðissamfélagi. Þess vegna er í upphafi 21.
    aldarinnar lögð rík áhersla á það í skólum landsins að gera börn snemma læs og skrifandi.
    Þekking á aðstæðum nemenda með lestrarerfiðleika hefur einnig aukist og aðstæður þeirra
    batnað en ekki er að fullu ljóst í hverju breytingarnar felast eða hvernig viðhalda má
    árangrinum samhliða áðurnefndum almennum kröfum um lestrarfærni. Skilgreiningar og
    kenningar um lestrarerfiðleika eru margvíslegar og álitamál hvort eða hvernig hægt er að
    minnka erfiðleika nemenda með kennslufræðilegum aðferðum. Ennfremur eru opinber
    fyrirmæli varðandi viðbrögð skólanna bæði óljós og misvísandi.
    Í þessari rannsókn eru skoðaðar hugmyndir, reynsla og viðmið sem tengjast kennslu
    barna með dyslexíu í íslenskum grunnskólum. Upplýsinga var aflað á árunum 2006-2007
    með vettvangsathugunum og viðtölum við skólafólk og foreldra í tveimur skólum á
    höfuðborgarsvæðinu og með einstaklings- og rýnihópaviðtölum við fullorðið fólk með
    dyslexíu. Ennfremur voru fyrirspurnir sendar til valinna sérfræðinga.
    Niðurstöður leiddu í ljós að skólarnir tveir mæta nemendum sínum með ólíkum hætti og
    stefna þeirra er einnig mismunandi skýr. Ennfremur virðast skólarnir skilgreina dyslexíu á
    þrengri hátt en vilji er til innan hagsmunasamtaka fólks með dyslexíu.
    Hin læknisfræðilega nálgun sem gengur út á að fyrirbyggja eða ráða bót á
    lestrarerfiðleikunum er töluvert áberandi á yngri stigum en í eldri deildum eru afskiptin af
    nemendum mun minni og lítið um námsaðlögun jafnvel þótt lestrarerfiðleikarnir séu ennþá
    mjög miklir. Marga almenna kennara skortir þekkingu og úrræði til að mæta umræddum
    nemendum á þeirra eigin forsendum og helst er litið til verklegra-og/eða óhefðbundinna
    námsgreina til að styrkja sjálfsmynd nemenda og gera þá jákvæða gagnvart skóla og námi.
    Góð lestrarfærni er í of miklum mæli skilyrði fyrir árangursríku námi nemendanna, tæknin
    er víða vannýtt og álag vegna náms þeirra lendir að mestu leyti á foreldrunum.

Accepted: 
  • Jan 1, 2007
URI: 
  • is http://hdl.handle.net/1946/1309


Files in This Item:
Filename Size VisibilityDescriptionFormat 
Hugmyndir, reynsla og viðmið tengd kennslu barna með dyslexí.pdf778.89 kBOpenDyslexía - heildPDFView/Open