Herstöðin á Straumnesfjalli (1953 - 1961). Minningar og frásagnir íslenskra starfsmanna og bandarískra hermanna

Abstract

Í þessari rannsókn er fjallað um herstöð á Straumnesfjalli sem var starfrækt á tímum kalda stríðins á vegum bandaríska hersins. Framkvæmdir við stöðina hófust árið 1953 og henni var lokað árið 1961. Í ritgerðinni horfi ég á minningar og persónulegar reynslusagnir íslenskra starfsmanna og bandarískra hermanna. Ég legg af stað með þrjár rannsóknarspurningar: Hvernig lýsa íslenskir starfsmenn og bandarískir hermenn þeirri hernaðarstarfsemi, sem þau kynntust á Straumnesfjalli? Hvernig lýsa íslenskir starfsmenn og bandarískir hermenn lífi hermannanna í herstöðinni? Hvernig upplifa bandarískir hermenn og íslenskir starfsmenn náttúru og umhverfi fyrir norðan? Í lokin velti ég fyrir mér hvort rústirnar sem standa eftir séu menningararfur eða rusl.