Er hægt að nota aðgengileg íslensk landupplýsingagögn til að áætla viðkvæmni landslags fyrir traðki ferðamanna á Þingvöllum?

Abstract

Þessi ritgerð fjallar um hvort og hvernig hægt er að nota aðgengileg íslensk landupplýsingagögn til að áætla viðkvæmni landslags fyrir traðki ferðamanna á Þingvöllum.Þjóðgarðurinn á Þingvöllum var valinn vegna þess að fullunnið gróðurfarskort frá Náttúrufræðistofnun Íslands er til af því svæði. Því lá fyrir að nota það og byggja á til þess aðfá niðurstöðu í verkefnið. Mörg gögn voru skoðuð í mismunandi gæðum og mælikvörðum t.d. Nytjalandsflokkun frá LbhÍ, Jarðvegskort frá 2009 frá LbhÍ, IS50V gagnagrunnurinn fráLandmælingum Íslands, Corine þekja frá Landmælingum Íslands, Rofkort LbhÍ frá árinu 1997 og Vistgerðakort frá Náttúrufræðistofnun Íslands. Unnið var í ArcGis forritinu, flokkuðniður þau gögn sem hentuðu og gögnum gefið mismunandi vægi frá 1 – 9 miðað við viðkvæmni. Sú aðferðafræði sem notuð var yfirlagnargreining e. Overlay Analysis, gengur út á að mismunandi gögn eru lögð ofan á hvort annað, þar sem hver gögn hafa mismunandi vægi. Forritið reiknar út heildarniðurstöður gagna og býr til kort með lokaniðurstöðum verkefnisins. Niðurstöður voru sannreyndar með sjónrænni greiningu á loftmyndum ogvettvangsferð um svæðið.