en English is Íslenska

Thesis Agricultural University of Iceland > Umhverfisdeild > Meistaraprófsritgerðir - Umhverfisdeild >

Please use this identifier to cite or link to this item: http://hdl.handle.net/1946/13247

Title: 
  • is Vistvænt skipulag - Friðland fugla, Náttúrufarslegar forsendur skipulagsins
Submitted: 
  • May 2012
Abstract: 
  • is

    Skipulag í átt að sjálfbærri þróun er að ryðja sér til rúms hérlendis og tekur við af því sem
    margir hafa kallað bílaskipulagið, þar sem malbik og steypa eru ríkjandi efni í umhverfinu.
    Náttúran hefur oftar en ekki staðið höllum fæti þegar skipulagsákvarðanir eru teknar en
    með aukinni vitneskju og vitund hefur staða hennar styrkst. Í dag gerir fólk sér grein fyrir
    áhrifum náttúrunnar og er tilbúið að leggja henni lið. Reykjavíkurborg er þeirrar gæfu
    aðnjótandi að hafa fuglafriðland, votlendissvæði innan miðborgar sinnar og hefur það nært
    Tjörnina sem er eitt helsta djásn borgarinnar. Fuglafriðlandið og Vatnsmýrin hafa þó ekki
    notið þeirrar viðingar sem þessi svæði eiga skilið og hefur ágangur og hnignun einkennt
    þau. Skipulagið sem lagt er fram miðar að því að bæta og efla fuglafriðlandið og nýta það
    sem mest í þágu fugla, manna og alls samfélagsins. Niðurstöður greininganna sýna að víða
    er pottur brotinn í umhirðu og aðhaldi við fuglafriðlandið. Lífríkið stefnir í einsleitni sem
    mun hafa áhrif á allt náttúrulegt umhverfi í nágrenni þess. Þeir möguleikar sem svæðið
    gefur til fræðslu, rannsókna og upplifunar á náttúru eru ekki nýttir og er svæðið einangrað í
    borginni. Skipulagið sem lagt er fram tekur á öllum þeim þáttum sem þurfa að vera virkir
    til þess að ná sem mestri og bestri nýtingu í þágu fuglalífs, náttúru og mannlífs.
    Endurheimt votlendis er einn sá þáttur sem við Íslendingar getum lagt fram til
    loftslagsmála og myndi Reykjavíkurborg sýna fordæmi á heimsvísu með endurbótum og
    endurheimt votlendis, auk þess sem stuðlað væri að fjölbreyttara náttúrulífi innan
    borgarinnar. Með auknu aðgengi og betri aðstöðu má efla vitneskjuna og vitund
    almennings á náttúru og náttúrulegum ferlum. Slík vitund sem leiðir til samfélagslegs og
    hagræns ábata fyrir bogarsamfélagið í heild sinni og er því ákveðið skref í átt að sjálfbærri
    þróun.

Accepted: 
  • Oct 4, 2012
URI: 
  • http://hdl.handle.net/1946/13247


Files in This Item:
Filename Size VisibilityDescriptionFormat 
MS Drifa Gustafsdottir.pdf1.32 MBOpenPDFView/Open