is Íslenska en English

Lokaverkefni Landbúnaðarháskóli Íslands > Umhverfisdeild > Meistaraprófsritgerðir - Umhverfisdeild >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13252

Titill: 
  • Blöndun íbúðabyggðar og atvinnusvæða á höfuðborgarsvæðinu. Hugmyndafræði og skipulagsframkvæmd
Skilað: 
  • Apríl 2012
Útdráttur: 
  • Reykjavík og höfuðborgarsvæðið hefur byggst upp að mestu frá miðri síðustu öld og skipulag
    þess ber sterk einkenni modernisma í skipulagsgerð, þar sem landnotkun er aðgreind með skýrum hætti, einkum íbúðarsvæði frá atvinnusvæðum. Síðasta áratug hefur stefna um svokallaða blandaða byggð, það er um blandaða landnotkun íbúðarsvæða og atvinnustarfsemi orðið meira áberandi í aðalskipulagsstefnu sveitarfélaganna á höfuðborgarsvæðinu. Endurspeglar það ríkjandi
    skipul
    agshugmyndir í Evrópu og vestanhafs. Í aðalskipulagsstefnu er blönduð landnotkun meðal
    annars talin stuðla að styttri vegalengdum milli heimila og vinnustaða og þjónustu og þannig geta
    dregið úr ferðaþörf og bílanotkun en einnig skapað líflegri borgarbrag. Þá er heimil blöndun
    íbúðarsvæða og atvinnustarfsemi talin geta stuðlað að bættri nýtingu svæða og húsnæðis sem er
    vannýtt og hentar ekki lengur undir þá starfsemi sem þar var áður. Blandaðri byggð er hampað
    sem áhrifaríkri leið til að ná markmiðum sjálfbærrar þróunar. Rannsóknin felst í að kynna
    hugmyndafræðilegan bakgrunn skipulagsstefnunnar um blöndun íbúða og atvinnustarfsemi.
    Hugtakið blönduð landnotkun er skilgreint og skýrt með hjálp greiningarramma þar sem
    mælikvarði, vídd og samsetning er lýst. Þá er aðslskipulagsstefna í þremur sveitarfélögum á
    höfuðborgarsvæðinu skoðuð og framfylgd og framgangur hennar rannsakaður með hagnýtum
    úttektum á þremur deiliskipulagssvæðum þar sem blönduð landnotkun hefur verið útfærð.
    Rannsóknin leiðir í ljós að skipulagsyfirvöld eru jákvæð gagnvart hugmyndum um aukna
    blöndun byggðar, en framfylgdin er þrátt fyrir það fremur veik. Fjölmargar hindranir eru í
    veginum þegar stefnan er útfærð. Íbúðir geta hamlað atvinnustarfsemi á eldri atvinnusvæðum.
    Erfitt er að meta forsendur um eftirspurn eftir atvinnuhúsnæði í nýjum hverfum, einkum í útjaðri
    byggðar. Mikið framboð er af svæðum og lóðum skipulögðum fyrir atvinnustarfsemi miðsvæðis í
    Reykjavík, sem dregur úr möguleikum þess að byggja upp fjölþætta atvinnustarfsemi í
    úthverfum. Samfélagsþróun svo sem mikil bílaeign og stórmarkaðsvæðing vinna gegn
    uppbyggingu verslunar og þjónustu innan íbúðarhverfa. Þá bendir reynslan til þess að
    byggingaraðilar séu oft mótfallnir því að byggja atvinnu- og/eða verslunarrými í nýjum
    blönduðum íbúðarhverfum og skipulagsyfirvöld láta undan þrýstingi og fella burtu skilmála um
    atvinnuhúsnæði í nýjum hverfum.

Samþykkt: 
  • 4.10.2012
URI: 
  • http://hdl.handle.net/1946/13252


Skrár
Skráarnafn Stærð AðgangurLýsingSkráartegund 
Hlynur Torfason MS ritgerð skipulagsfræði.2012.pdf14.48 MBOpinnPDFSkoða/Opna