Hreint, ferskt og einfalt

Abstract

Saga kryddsins er samtvinnuð sögu ferðamennsku og verslunar á Miðöldum. Kryddin voru eftirsótt bæði til matargerðar og lækninga og í dag tengjast ýmsir áfangastaði í heiminum kryddi, bæði sögulega og vegna samtímaframleiðslu. Ísland sem áfangastaður á norðurhveli jarðar verður ekki auðveldlega settur á kort með helstu kryddþjóðum heims. Það sama gildir um hin Norðurlöndin. Undanfarið hafa þessi lönd þó leitast við að komast á heimskort matvælanna með átaksverkefninu Ný norræn matvæli. Áhersla er á hreinleika, ferskleika og einfaldleika hinna norrænu matvæla þar sem óbeisluð náttúran er nýtt í markvissa ímyndarsköpun. Markmið rannsóknarinnar er að skoða hlutverk kryddjurta og villtra jurta í þessari ímyndarsköpun norrænna matvæla á Íslandi. Einblínt verður á hvort og hvernig jurtunum, sem gjarnan eru notaðar eins og krydd í mat, er ætlað að hafa áhrif á upplifun ferðamanna varðandi hreinleika, ferskleika og einfaldleika veitinganna sem þeir neyta. Aðferðin er tilviksrannsókn þar sem túlkun veitingamanna á veitingastaðnum Dill á markmiðum og hugmyndafræði Nýrra norrænna matvæla verður skoðuð, með áherslu á notkunar kryddjurta og villtra jurta. Auk ítarlegra viðtala við veitingamennina, verður skoðaður matseðil fyrirtækisins, markaðsmiðlar fyrirtækisins og umhverfi. Rannsóknin mun fara fram á tímabilinu 15. júní til 30. nóvember 2012.