is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13508

Titill: 
  • Lög nr. 142/2010 með sérstöku tilliti til skerðingar á eignarréttindum kröfuhafa, þar sem gjaldþrotaskiptum var lokið fyrir gildistöku laganna
Námsstig: 
  • Bakkalár
Útdráttur: 
  • Markmið ritgerðarinnar er að leita svara við því álitaefni hvort löggjafinn hafi með lögum nr. 142/2010, um breytingu á lögum um gjaldþrotaskipti, skert eignaréttindi kröfuhafa með afturvirkum og íþyngjandi hætti í þeim tilvikum þar sem gjaldþrotaskiptum var lokið fyrir gildistöku fyrrnefndra laga.
    Í öðrum kafla verður umfjöllun um lög nr. 142/2010. Í upphafi kaflans verður kynning á lögunum og þeim breytingum sem lögin höfðu í för með sér á reglum sem gilda um fyrningu krafna, sem þrotamenn bera áfram ábyrgð á að gjaldþrotaskiptum loknum. Ferlinn málsins á Alþingi verður rakinn í stuttu máli auk þess sem fjallað verður um markmið breytinganna. Í kaflanum verður þar að auki að finna skilgreiningar á grundvallarhugtökum í tengslum við lögin, útlistun á því hvaða kröfur falla innan gildissviðs laganna auk þess sem fjallað verður um lagaskil eldri og yngri laga.
    Í þriðja kafla verður leitað svara við þeirri spurningu hvort lögin eru afturvirk. Rakin verða þau sjónarmið sem lögð eru til grundvallar svars við álitaefninu auk þess verður fjallað um undantekningarreglur þess hvenær löggjafanum er heimilt að íþyngja borgurunum með afturvirkum hætti.
    Í fjórða kafla er að finna umfjöllun um kröfuréttindi sem eignarréttindi. Kröfuréttindi teljast án vafa til slíkra réttinda og njóta því verndar 72. gr. stjórnarskrárinnar. Umfjöllunin mun meðal annars beinast að því hvenær löggjafanum er skylt að greiða þeim sem verður fyrir eignaskerðingu bætur, hvort lög geti verið talin ssamrýmast stjórnarskrá með því að vera túlkuð sem eignarnámslög eða bótákvæði aukið við þau með vísan til eðlis máls eða sanngirnissjónarmiða og að lokum verður að finna umfjöllun um ólögmæta eignaskerðingu.
    Í fimmta kafla ritgerðarinnar verða niðurstöður dregnar saman.

Samþykkt: 
  • 12.12.2012
URI: 
  • http://hdl.handle.net/1946/13508


Skrár
Skráarnafn Stærð AðgangurLýsingSkráartegund 
Elísabet Pétursdóttir.pdf310.21 kBOpinnMeginmálPDFSkoða/Opna
Forsíða.pdf88.13 kBOpinnForsíðaPDFSkoða/Opna