is Íslenska en English

Lokaverkefni (Meistara) Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13513

Titill: 
  • Tíðni og eðli kyngingar- og fæðuinntökuvandamála meðal fyrirbura fæddra fyrir 34. viku meðgöngu
  • Titill er á ensku Prevalence and nature of swallowing and feeding difficulties in preterm infants born before 34 weeks of gestation
Námsstig: 
  • Meistara
Útdráttur: 
  • Óþroskað taugakerfi fyrirburans veldur því að hann á í erfiðleikum með að samhæfa sog, öndun og kyngingu. Langur tími getur liðið frá fæðingu þar til fyrirburinn getur farið að nærast um munn, en á þessu tímabili upplifir fyrirburinn oft mikið neikvætt áreiti á munn- og koksvæði, m.a. vegna barkaþræðinga og sonduísetningar. Þetta neikvæða áreiti getur valdið brengluðu skyni á munn- og koksvæði sem getur leitt til alvarlegra fæðuinntökuvandamála. Þekking á algengi og einkennum kyngingar- og fæðuinntökuvandamála meðal barna stuðlar að betri greiningu og viðeigandi aðstoð. Ef barn fær viðeigandi aðstoð tímanlega dregur það úr líkum á langvarandi og flóknari vandamálum.
    Markmið þessarar rannsóknar var að athuga tíðni og eðli kyngingar- og fæðuinntökuvandamála meðal fyrirbura fæddra fyrir 34. viku meðgöngu. Einnig var kannað hvaða ráðleggingar og aðstoð foreldrar fyrirbura sem stríddu við kyngingar- eða fæðuinntökuvandamál hefðu fengið og hvernig hún hefði reynst.
    Viðfangsefni rannsóknarinnar voru börn sem höfðu fæðst fyrir 34. viku meðgöngu árið 2010 og verið lögð inn á Vökudeild Barnaspítala Hringsins. Upplýsingum var safnað með rafrænum spurningalista sem mæður barnanna svöruðu og var svörun 76% en alls bárust svör fyrir 45 börn sem voru á aldrinum eins árs og níu mánaða til tveggja ára og níu mánaða þegar spurningalistanum var svarað.
    Niðurstöður sýndu að ekkert barn hafði verið greint með kyngingar- og/eða fæðuinntökuvandamál. Hátt hlutfall barna (91%) hafði sýnt eitt eða fleiri einkenni kyngingar- eða fæðuinntökuvandamála yfir allt tímabilið, þ.e. frá fæðingu og þar til spurningalista var svarað, en 40% barnanna höfðu sýnt einkenni eftir eins árs aldur. Kyngingarvandamál voru meira áberandi þegar allt tímabilið var skoðað en eftir eins árs aldur sýndu börnin frekar einkenni fæðuinntökuvandamála. Kynging og þá sérstaklega fæðuinntaka fyrirburanna olli mörgum mæðrum áhyggjum en fáar höfðu leitað sér aðstoðar. Einungis þrjár mæður höfðu leitað sér aðstoðar vegna kyngingar- eða fæðuinntökuvandamála fyrirbura og voru tvær ánægðar með þá aðstoð/ráðleggingar sem þær höfðu fengið. Mæðrunum fannst í flestum tilfellum þörf á fræðslu um kyngingar- og fæðuinntökuvandamál meðal fyrirbura með áherslu á einkenni þeirra og hvernig ætti að bregðast við þeim, t.d. hvenær ætti að leita sér aðstoðar.
    Niðurstöður rannsóknarinnar benda til þess að nokkuð vanti upp á fræðslu til foreldra og heilbrigðisstarfsfólks um kyngingar- og fæðuinntökuvandamál meðal barna. Ómeðhöndluð fæðuinntökuvandamál hjá börnum geta ekki aðeins haft líkamleg áhrif á þau sjálf heldur geta þau einnig leitt til kvíða og streitu foreldra og haft neikvæð áhrif á samband þeirra við barnið.

  • Útdráttur er á ensku

    Due to their neurological immaturity, preterm infants have a hard time with the coordination of sucking, swallowing and breathing. Several weeks can pass before the preterm infant can feed orally, and during that time it is often exposed to noxious oral stimuli due to e.g. intubation and gastric tube placement. This can lead to altered oral sensitivity and feeding difficulties. Knowledge on prevalence and symptoms of pediatric swallowing and feeding problems helps improve diagnosis and proper treatment. If a child gets proper treatment early it is less likely to develop a long term swallowing or feeding problem.
    The aim of this study was to investigate the prevalence and nature of swallowing and feeding problems amongst preterm infants, born before 34 weeks of gestation, to find out what services were available for a child who had problems with either swallowing or feeding, and to examine how effective that service was.
    Participants in the research were preterm infants born in 2010 before 34 weeks of gestation and had been admitted to the neonatal intensive care unit (Vökudeild Barnaspítala Hringsins). Mothers received an online questionnaire and answers were received for 45 children between the ages of one year and nine months and two years and nine months.
    Results showed that no children had been diagnosed with swallowing or feeding problems. Many children (91%) had shown one or more symptoms of swallowing or feeding problems during the whole time period (from birth until the questionnaire was answered) but 40% of the children showed symptoms after their first year. Swallowing problems were more prevalent in children during their first year but after that feeding problems became more prevalent. Many mothers worried about their children’s swallowing and especially their feeding but only three had sought help. Of these three, two were happy with the assistance they received. Mothers agreed that more information and education on swallowing and feeding problems of preterm infants is needed, especially regarding symptoms and how or when they should respond to them, for example by seeking assistance.
    These results indicate that there is need for further education and information on swallowing and feeding for parents, caregivers and health care providers. Proper diagnosis is necessary for an effective treatment plan. Untreated swallowing and feeding problems can not only have physical effects on the children but also lead to parental anxiety and stress which can have a negative effect on the parent-child relationship.

Samþykkt: 
  • 14.12.2012
URI: 
  • http://hdl.handle.net/1946/13513


Skrár
Skráarnafn Stærð AðgangurLýsingSkráartegund 
Ingunn Högnadóttir meistaraverkefni.pdf921.72 kBOpinnHeildartextiPDFSkoða/Opna