is Íslenska en English

Lokaverkefni Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13735

Titill: 
  • Fjárfestingavilji lífeyrissjóða í erlendri mynt innan gjaldeyrishafta
Leiðbeinandi: 
Skilað: 
  • Febrúar 2013
Útdráttur: 
  • Í kjölfar falls viðskiptabankanna þriggja í október 2008 hafa íslenskir lífeyrissjóðir ekki getað farið með fjármagn af landinu til erlendra nýfjárfestinga. Gjaldeyrishöftin, sem fest voru í lög 28. nóvember 2008 og áttu að vera skammtímaviðbragð í þeim ólgusjó sem geisaði í efnahagslífi þjóðarinnar við upphaf vetrar 2008, setja lífeyrissjóðunum þessar hömlur. Nú rúmum fjórum árum síðar, eru höftin enn við lýði, hafa aldrei verið harðari og fá teikn á lofti um það að höftunum verði aflétt á komandi misserum. Er svo komið að erlendar eignir sjóðanna, og þar af leiðandi áhættudreifing eigna á önnur hagkerfi og á annað efnahagslíf en það íslenska hefur ekki verið minna í hartnær áratug.
    Í ritgerðinni er fjallað um upphaf erlendra fjárfestinga hjá íslenskum lífeyrissjóðum og þá lagabreytingu sem hefur orðið á heimild sjóðanna til erlendra fjárfestinga. Fjallað er um sögulega þróun erlendra eigna lífeyrissjóðanna og hlutfall erlendra eigna borin saman við lífeyrissjóði valinna OECD landa. Fjallað er um þátttöku lífeyrissjóðanna í gjaldeyrisútboðum Seðlabanka Íslands sem er liður í stefnu stjórnvalda til afléttingar á gjaldeyrishöftum. Einnig koma í ritgerðinni fram skoðanir og væntingar forsvarsmanna lífeyrissjóða á Íslandi sem samtals hafa yfir að ráða 85% af hreinni eign til greiðslu lífeyris.
    Þá er einnig sett fram spálíkan sem sýnir fjárfestingaþörf lífeyrissjóðanna til næsta áratugar. Við rannsókn ritgerðarinnar er sett upp spátímabil til næstu 10 ára og sviðsmynd sem metur hve miklar fjárfestingar lífeyrissjóðirnir þurfa að fara í á ári hverju til þess að ná vægi erlendra eigna upp í ákveðið hlutfall af eignasafni sjóðanna. Er hún byggð á viðtölum við forsvarsmenn lífeyrissjóðanna. Einnig er reynt að leggja mat á hvort að íslenskt efnahagslíf ráði yfir höfuð við slíkt útstreymi fjármagns.

Athugasemdir: 
  • Leiðbeinandi leyfir lokun í eitt ár.
Samþykkt: 
  • 11.1.2013
URI: 
  • http://hdl.handle.net/1946/13735


Skrár
Skráarnafn Stærð AðgangurLýsingSkráartegund 
Fjárfestingavilji lífeyrissjóða í erlendri mynt innan gjaldeyrishafta.pdf1.73 MBOpinnHeildartextiPDFSkoða/Opna