is Íslenska en English

Lokaverkefni (Bakkalár) Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/13807

Titill: 
  • „Hvað er á fæti þínum Íslendingur?“ Þjóðernisumræða á þjóðveldisöld
Námsstig: 
  • Bakkalár
Efnisorð: 
Útdráttur: 
  • Ritgerðin „Hvað er á fæti þínum Íslendingur?“ fjallar um þjóðernishugtakið og mikilvægi þess í sambandi við íslenskar fornbókmenntir. Stuðst er við frásagnir af Íslendingum erlendis úr Morkinskinnu, Laxdæla sögu, Gunnlaugs sögu ormstungu og Egils sögu. Í kjölfarið er rætt um þjóðernishugtakið og greint frá skiptum skoðunum fræðimanna um málefnið. Sem dæmi má nefna Ernest Gellner, Guðmund Hálfdánarson, Anthony D. Smith, þá Ármann Jakobsson og Sverri Jakobsson ásamt kenningasmiðnum Ernest Renan. Deilt er um mikilvægi þjóðarhugtaksins og skiptingu þess í stéttir, þar sem frásagnir af Íslendingum erlendis eru oftar en ekki frásagnir af höfðingjasonum, meðan Íslendingar af lægri stéttum hljóta litla frægð í fornbókmenntum. Svo virðist sem þjóðerni sé munaður hinna ríku, eins og má sjá á fólksflutningi fátækra af Íslandi í undir stjórn Haraldar Sigurðarsonar Noregskonungs á 11. öld, eða flutningi fátækra af Íslandi til Norður-Ameríku á 19. öld.
    „Kynslóðir Íslendinga ólust upp við það sem sjálfsagðan hlut að íslenskt þjóðerni hefði verið grundvöllur þjóðveldisins svokallaða frá 930-1262 og menningarlegrar gullaldar sem gat af sér íslenskar fornbókmenntir“ stendur í formála Þjóðernis í þúsund ár?, “Þessari gullaldarfrásögn af sögu Íslands fylgdi trú á ákveðið orsakasamhengi sem stýrði túlkun Íslandssögunnar: Öll afturför eða stöðnun var skýrð með erlendum yfirráðum en framfarir og nývæðing síðustu aldar, bæði á sviði samfélags og menningar, voru alfarið skýrðar með sjálfstæði þjóðarinnar og frelsi hennar.“
    Þjóðerni er viðkvæmt hugtak og sífellt í mótun. Áhrifa þjóðernis á alþjóðasviði verður ekki neitað og mikilvægi þess í sjálfsmynd hjá einstaklingum nútímans. En hversu stöðugt er þetta þjóðerni sem Íslendingar leggja hald sitt á? Mun alltaf vera þörf fyrir þjóð á Íslandi?

Samþykkt: 
  • 17.1.2013
URI: 
  • http://hdl.handle.net/1946/13807


Skrár
Skráarnafn Stærð AðgangurLýsingSkráartegund 
Gyða Fanney Guðjónsdóttir.pdf582.62 kBOpinnHeildartextiPDFSkoða/Opna