Orkunotkun togvinda

Abstract

Tvær algengar gerðir togvinda um borð í íslenskum ísfisktogurum eru lágþrýstar vökvavindur og rafmagnsvindur. Togvindur eru jafnframt meðal stærstu einstöku þiggjenda orku um borð í ísfisktogurum.Gerðar voru mælingar á orkunotkun við veiðar tveggja ísfisktogara með sitthvorn vindubúnaðinn. Samhliða því voru settir fram einfaldir útreikningar til samanburðar á framleiðslu á raforku með ásrafala á aðalvél annars vegar og og ljósavél hins vegar.Vegna annmarka á mælingum sem framkvæmdar voru liggja ekki fyrir samanburðarhæf mæligögn. Úrvinnsla og greining var þó framkvæmd á gögnunum en á þeim forsendum að gögn um straumnotkun væru rétt. Ekki var reynt að bera greiningarnar saman þar sem að annmarkar mælinganna eru þess eðlis að ávallt myndi halla á vindur knúnar rafmagni. Niðurstöður útreikninga á hagkvæmni notkunar ásrafala benda til þess að í vissum tilfellum geti verið hagkvæmara að haga fyrirkomulagi ásrafala þannig að aðalvél geti keyrt með breytilegum snúningshraða. Sá möguleiki er þó fyrir hendi að ávinningur af þessum aðgerðum tapist í þeim búnaði sem geri breytilegan snúningshraða aðalvélar mögulegan.