Greining vandamála og úrbótatillaga í framleiðsluferli melmisstanga við HDC vél Fjarðaáls

Abstract

Nokkur þekkt vandamál hafa verið viðloðin framleiðslu á steyptum afurðum sem kallaðar eru melmisstangir, úr HDC vél ALCOA Fjarðaáls. Þessi vandamál hafa verið til staðar í talsverðan tíma og er handstöflun melmisstanganna eitt af þeim.Þegar vandamál eins og óvæntar bilanir koma upp í búnaði sem sér um eftirvinnslu og flutning melmisstanganna á framleiðslusvæði vélarinnar, getur það leitt til þess að beina þurfi stöngunum tímabundið eftir öðrum óhefðbundnum framleiðsluleiðum.Það hefur þær afleiðingar í för með sér að taka verður við þeim og fjarlægja á handvirkann máta svo þær safnist ekki upp á einn stað.Þessu valda bilanir og önnur vandamál í búnaði sem þjónustar þær.Markmið verkefnisins er að greina helstu vandamál í framleiðsluferli melmisstanga og setja fram úrbótatillögu í formi vélbúnaðar sem mögulega er hægt að koma fyrir á stað inn í framleiðsluferli melmisstanganna og leysir þau helstu vandamál sem skilgreind verða við framvindu verkefnisins.