Enginn er eins en allir eru jafn mikils virði : móttaka og starf með börnum af erlendum uppruna

Abstract

Lokaverkefnið fjallar um fjölmenningarlegt skólastarf í leikskólum. Börn af erlendum uppruna eiga sama rétt og önnur börn til menntunar og mikilvægt er að skólastarf sé lagað að þörfum allra barna. Huga þarf að mörgum þáttum leikskólastarfsins má þar nefna foreldrasamstarf, tungumál, kennara, kennsluaðferðir og umhverfi leikskólans.Fjallað verður um könnun sem gerð var á meðal fimm leikskólastjóra í Borgarbyggð um reynslu, viðhorf, stöðu mála og framtíðarsýn varðandi börn af erlendum uppruna. Helstu niðurstöður voru þær að ýmsar leiðir höfðu verið farnar en jafnframt bar á óöryggi og nauðsyn á fræðslu um starfsaðferðir. Leikskólar Borgarbyggðar hafa því þörf fyrir áætlun sem hægt er að nýta við móttöku og starf með börnum af erlendum uppruna og var það helsta markmiðið með verkefninu. Lokaverkefnið samanstendur af greinargerð, handbók fyrir starfsfólk leikskólanna og upplýsingarbæklingi fyrir erlenda foreldra.