Menningarspilið Bakpokinn : greinargerð með námsspili um menningu og hefðir

Abstract

Greinagerð þessi fylgir námsspili sem ber heitið Bakpokinn. Spilið er ætlað sem kennslugagn fyrir kennara til þess að fræða, skapa umræður og vekja áhuga grunnskólanemenda á mismunandi menningarheimum og jafnframt auka víðsýni nemenda. Spilið er ætlað 14-16 ára nemendum. Við gerð spilsins var tekið viðtal eða spurningar lagðar fyrir fimmtán aðila frá fimmtán mismunandi löndum um menningu hvers og eins. Í greinargerðinni er fjallað almennt um menningu í fræðilegum skilningi sem og því fjölmenningarsamfélagi sem við búum í. Þá er einnig fjallað um þær ýmsu kennsluaðferðir sem hægt er að nota samhliða námsspilinu í fjölmenningarlegum nemendahópi. Fjallað er um námskrá grunnskóla, námsspilið og hvernig það nýtist við kennslu. Að lokum er umfjöllun um spilið sjálft, markmið þess, vinnuferlið og leikreglur.