en English is Íslenska

Thesis University of Akureyri > Heilbrigðisvísindasvið > B.S. verkefni >

Please use this identifier to cite or link to this item: http://hdl.handle.net/1946/1411

Title: 
  • is Viðhorf foreldra til þjónustu iðjuþjálfa
Abstract: 
  • is

    Færst hefur í vöxt að einstaklingar vilji hafa áhrif á þá heilbrigðisþjónustu sem þeim er veitt.
    Foreldrar barna með sérþarfir eru þar engin undantekning. Undanfarin ár hefur verið reynt að
    koma til móts við þessar óskir með því að veita skjólstæðingsmiðaða iðjuþjálfun. Þar er
    áhersla lögð á samvinnu og samábyrgð iðjuþjálfa og skjólstæðings. Þegar skjólstæðingurinn
    er fjölskyldan í heild er mikilvægt að nýta hugmyndir fjölskyldumiðaðrar þjónustu. Með því
    er hægt að ná sem bestum árangri og auka vellíðan foreldra og barna. Iðjuþjálfun barna á
    Íslandi er veitt af ýmsum stofnunum bæði á höfuðborgarsvæðinu og úti á landi. Tilgangur
    rannsóknarinnar var að kanna viðhorf foreldra barna með sérþarfir til þjónustu iðjuþjálfa og fá
    með því upplýsingar um hvort þjónustan hafi verið skjólstæðingsmiðuð. Rannsakendur
    hönnuðu spurningalista sem byggir á hugmyndafræði um skjólstæðingsmiðaða iðjuþjálfun.
    Úrtakið var 72 foreldrar barna með sérþarfir sem fengið höfðu þjónustu iðjuþjálfa og svöruðu
    50 (69,5%) foreldrar spurningalistanum. Lýsandi megindleg rannsóknaraðferð var notuð við
    öflun upplýsinga og niðurstöður settar fram í texta og myndum. Niðurstöður sýndu að viðhorf
    foreldra barna með sérþarfir til þjónustu iðjuþjálfa er almennt jákvætt. Þegar á heildina er litið
    var skjólstæðingsmiðuð iðjuþjálfun höfð að leiðarljósi í þjónustu iðjuþjálfa að mati foreldra.
    Hins vegar þótti foreldrum einstaka þáttum innan skjólstæðingsmiðaðrar iðjuþjálfunar ekki
    nægjanlega vel mætt. Með rannsókn eins og þessari er hægt að rökstyðja ávinning af
    breytingum á þjónustu og/eða þjónustufyrirkomulagi.
    Lykilhugtök: Þjónusta iðjuþjálfa, börn með sérþarfir, skjólstæðingsmiðuð iðjuþjálfun,
    fjölskyldumiðuð þjónusta.

Description: 
  • is Verkefnið er opið nemendum og starfsfólki Háskólans á Akureyri
Accepted: 
  • Jan 1, 2004
URI: 
  • http://hdl.handle.net/1946/1411


Files in This Item:
Filename Size VisibilityDescriptionFormat 
Viðhorf foreldra_e.pdf34.71 kBOpenViðhorf foreldra - efnisyfirlitPDFView/Open
Viðhorf foreldra_h.pdf50.53 kBOpenViðhorf foreldra - heimildaskráPDFView/Open
Viðhorf foreldra_heild.pdf1.08 MBMembersViðhorf foreldra - heildPDF
Viðhorf foreldra_u.pdf34.97 kBOpenViðhorf foreldar - útdrátturPDFView/Open