Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14156
Markmið verkefnisins er að kanna hvort það sé arðbært að fjárfesta í fasteignafélaginu FAST-1 slhf. Félagið var formlega stofnað í maí 2012 af umsjónaraðilum félagsins, VÍB, eignastýringaþjónustu Íslandsbanka og ráðgjafafyrirtækisins Contra auk fjárfesta sem komu að verkefninu. Farið er í grunngreiningu á rekstri félagsins og lagt í umfangsmikla arðsemisútreikninga.
Áætlað var sjóðstreymi fjármagns og fundið hreint núvirði rekstrarins auk þess sem helstu arðsemisniðurstöður voru skoðaðar. Þá var notast við Monte Carlo hermun til að kanna líkindadreifingu í niðurstöðum arðsemislíkansins við breytingu helstu óvissuþátta þess. Niðurstöður arðsemismatsins sýna fram á það að hreint núvirði er jákvætt sem segir okkur að fjárfestingin sé arðbær. Niðurstöður Monte Carlo hermunar sýna fram á að tæplega 53% líkur séu á því að hreint núvirði verði jákvætt.
Niðurstöðurnar eru þó ekki ótvíræðar. Niðurstöður hermunar sýna að smávægilegar breytingar á lykilstærðum leiða til þess að hreint núvirði verði neikvætt. Þetta undirstrikast í niðurstöðum úr næmnigreiningu á arðsemislíkani. Þá sést það jafnframt að rekstrarform félagsins er hagstæðara fyrir ákveðna fjárfesta en aðra, nánar tiltekið lífeyrissjóði sökum skattahagkvæmis. Lokaniðurstaðan er því sú að fjárfesting í félaginu er líklegri en ekki til að verða arðbær en hafa verður í huga að smávægilegar breytingar á aðstæðum geta breytt þeirri niðurstöðu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Arðsemismat á fasteignarfélaginu FAST1.pdf | 1.11 MB | Opinn | Heildartexti | Skoða/Opna |