Hvað getur Ísland lært af gríska harmleiknum? Ályktun um framtíðar peningastefnu Íslands

Abstract

Rannsóknarspurning sem höfundar velta upp er hvort Ísland geti lært eitthvað af gríska harmleiknum sem varð í kjölfar alþjóða fjármálakreppunnar árið 2008. Verkefninu er skipt upp í fjóra hluta. Fyrst er saga Evrópusambandsins rakin í stuttu máli. Þar næst kynntar hagfræðikenningar Robert Mundell um hagkvæm myntsvæði og möguleikaþríhyrninginn sem stuðst er við. Saga Grikklands er rakin, frá tímabilinu fyrir ESB og upptöku evru til ársins 2012. Því næst er rakin leið Íslands að bankahruninu og möguleikar í peningastefnu skoðaðir. Helstu niðurstöður eru þær að mikilvægt sé að peningastefna og hagstjórn haldist í hendur þegar horft er til myntsamstarfs. Einnig að eftirlit hafi verið ófullnægjandi bæði hvað varðar Grikkland og Ísland. Höfundar telja að nú sé ekki rétti tíminn til þess að ganga í ESB og evrusamstarf, þótt krónan sé ekki rétti gjaldmiðillinn til framtíðar fyrir Ísland.