Námsmat : „stundum eiga tvö börn það eitt sameiginlegt að vera börn“ (Tomlinson)

Abstract

Verkefni þetta fjallar um námsmat, námsmatsleiðir og almennt um námsmat í grunnskólum. Megintilgangur minn með þessu verkefni er að vekja athygli á fjölbreyttum leiðum námsmats sem nýtast í einstaklingsmiðuðu námi í grunnskólum. Einnig bendi ég á mikilvægi þess að námsmat nýtist nemendum, foreldrum, forráðamönnum og kennurum til áframhaldandi vinnu og gefi sem gleggsta mynd af stöðu nemenda á hverjum tíma. Mikilvægt er að námsmat sé uppbyggjandi, það sýni þá þætti sem nemandi er sterkur í og hvað hann þarf að bæta. Með breyttum kennsluháttum þar sem einstaklingsmiðun í námi er í forgrunni, þarf að sníða námsmatið að hverjum og einum nemanda líkt og kennsluna. Fjallað er um hugtökin leiðsagnamat, frammistöðumat og lokamat. Einnig kynnumst við nokkrum námsmatsleiðum sem henta vel í einstaklingsmiðuðu námi og nokkrum birtingarformum námsmats. Nokkur sýnishorn af matseyðublöðum eru í fylgiskjölum.