Fyrstu orð barna : nammnamm, mamma og dah

Abstract

Áhugi okkar á málþroska og máltöku barna kviknaði þegar börnin okkar byrjuðu að tala. Okkur fannst stórfenglegt að fylgjast með þessari hröðu þróun í málþroska barnanna. Þar sem við vorum mjög meðvitaðar um hvernig hægt er að efla málþroska barna þá unnum við markvisst með okkar eigin börn. Þjálfunin bar greinilegan árangur því börnin voru bæði altalandi um 18 mánaða aldur. Önnur okkar höfunda sat einnig námskeiðið „Þróun máls og málnotkunar á fyrstu skólaárunum“ sem Hrafnhildur Ragnarsdóttir kenndi. Á námskeiðinu var, meðal annars, stiklað á stóru um máltöku ungra barna. Með lokaverkefni okkar vildum við kynnast efninu enn betur og kafa dýpra ofan í það. Okkur lék forvitni á að vita hversu fljót önnur börn eru til máls og því fengum við að fylgjast með máltöku nokkurra barna. Að okkar mati mættu kennarar og uppalendur kynna sér það efni og þær rannsóknir sem til er um málþroska og máltöku barna, til þess að vera betur í stakk búnir fyrir kennslu og önnur samskipti við börn.