en English is Íslenska

Thesis (Bachelor's)

University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/14512

Title: 
  • Title is in Icelandic Ímynd Nova meðal háskólanema. Mæla þeir háskólanemar sem nú þegar eru viðskiptavinir Nova, með því að eiga viðskipti við fyrirtækið?
  • Nova´s Image in the Minds of University Students. Are the University Students who are Already Nova Customers Willing to Recommend Nova to Others?
Degree: 
  • Bachelor's
Abstract: 
  • Abstract is in Icelandic

    Samkeppni á íslenska farsímamarkaðnum er mjög hörð og keppast farsímafyrirtækin við að uppfylla þarfir og væntingar viðskiptavina. Ímynd vörumerkja getur haft mikil áhrif á árangur fyrirtækja og er hún ein mikilvægasta eign þeirra. Jákvæð ímynd myndast með hjálp vörumerkjastjórnunar og markaðsaðgerða sem skapa jákvæð, sterk og einstök tengsl við vörumerki í hugum viðskiptavina. Óhefðbundnar aðferðir eins og umfjöllun í fjölmiðlum, orðspor og fyrri reynsla viðskiptavina hefur einnig verið stór þáttur í uppbyggingu á ímynd vörumerkja.
    Markmið þessa verkefnis er að kanna ímynd farsímafyrirtækisins Nova meðal háskólanema á Íslandi, og hvort þeir háskólanemar sem eru í viðskiptum við Nova mæla með því að eiga viðskipti við fyrirtækið. Í fyrri hluta verkefnisins er fræðileg umfjöllun um markaðsfræði, vörumerkjastjórnun og orðspor vörumerkja. Fjallað er lauslega um samkeppnisaðila Nova á íslenska farsímamarkaðnum og ítarlega um markaðssetningu og vörumerkið Nova.
    Gerð var rannsókn sem var unnin með eigindlegum og megindlegum rannsóknaraðferðum. Megindlega rannsóknin er úrtakskönnun þar sem könnuð var ímynd, einkenni, staða og orðspor Nova og settar voru fram rannsóknarspurningarnar: ,,Hver er ímynd Nova meðal háskólanema?“ og ,,Mæla þeir háskólanemar sem nú þegar eru viðskiptavinir Nova, með því að eiga viðskipti við fyrirtækið?“. Eigindlega rannsóknin fól í sér viðtal við markaðsstjóra Nova og starfsmann Nova sem sér um samfélagsmiðla og markaðsmál fyrirtækisins.
    Helstu niðurstöður megindlegu rannsóknarinnar voru þær að yfir heildina hefur Nova mjög jákvæða ímynd meðal háskólanema og tengja flestir vörumerkið við eiginleika og einkenni þess. Flestir viðskiptavinir Nova mæla með því að eiga viðskipti við fyrirtækið og eru ákafir í að hvetja aðra til þess að færa viðskipti sín yfir í Nova til þess að geta nýtt sér 0 kr. Nova í Nova þjónustuleið fyrirtækisins betur. Þessi þjónustuleið Nova er gríðarlega sterkt vopn gagnvart samkeppnisaðilum á íslenska farsímamarkaðnum og heldur hún í núverandi viðskiptavini Nova og dregur að nýja viðskiptvini.

Accepted: 
  • Apr 29, 2013
URI: 
  • http://hdl.handle.net/1946/14512


Files in This Item:
Filename Size VisibilityDescriptionFormat 
Iðunn_Ingibergsdóttir_BS.pdf2.18 MBOpenHeildartextiPDFView/Open