Fjármögnun flugnáms. Kostnaður og ábati

Abstract

Aðalmarkmið þessarar ritgerðar er að kanna kostnað flugnáms, bæði einkaflugmannsnáms og nám til atvinnuflugmanns, möguleika sem í boði eru til að fjármagna flugnám, fórnarkostnað þess og mögulegan ábata.Fjallað verður um kostnað náms sem stendur Íslendingum til boða, bæði á Íslandi og erlendis. Ítarleg skil verða gerð á flugmannsnámi hjá viðurkenndum flugskólum á Íslandi og öllum þeim kostnaði sem fylgir náminu. Kynntar verða leiðir sem í boði eru til þess að fjármagna flugmannsnám og greint frá því hvort námið sé lánshæft hjá Lánasjóði íslenskra námsmanna. Farið verður í mögulegan ábata sem getur unnist að flugmannsnámi loknu og þau tækifæri sem standa flugmönnum til boða. Einnig verður stiklað á stóru yfir þætti sem tengjast flugnáminu beint, svo sem framtíð flugfélaga á Íslandi, núverandi tækni og hvaða tækniframfarir eru líklegar til að hafa áhrif á heim flugsins ásamt því að skoða mögulegar atvinnuspár fyrir flugmenn á komandi árum.Við gerð þessa verkefnis kom í ljós að sá kostnaður sem fylgir flugmannsnámi er gríðarlega hár. Sé flugnám hafið í dag má áætla að kostnaður fari vel yfir 10 milljónir íslenskra króna. Þetta er töluvert hærri upphæð en fólk gerir sér grein fyrir í fyrstu en mögulegur ábati af náminu getur verið mikill.Flugmaður hefur alltaf verið hálaunað starf, flugmenn geta starfað eða sóst eftir vinnu hvar sem er í heiminum og þannig kynnst nýrri menningu, auk þess sem flugmenn geta verslað vörur á lægra verði erlendis og í fríhöfnum þar eða á Íslandi.