is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14632

Titill: 
  • Játningar í sakamálum
  • Titill er á ensku Confessions in criminal cases
Námsstig: 
  • Meistara
Útdráttur: 
  • Í ritgerð þessari er fjallað um játningar í sakamálum, annars vegar við meðferð slíkra mála í réttarvörslukerfinu og hins vegar þegar kemur að ákvörðun refsingar.
    Efnisskipan ritgerðarinnar verður með þeim hætti að fyrst verður litið til áhrifa játningar í sakamálaréttarfari. Síðan verður fjallað um ákvörðun refsingar í sakamálum með sérstakri áherslu á það álitaefni hvort játning hafi þar eitthvert vægi. Að lokum verður litið til dómaframkvæmdar í nokkrum brotaflokkum og kannað, annars vegar hversu algengt er að játning komi fram í þeim flokkum og hins vegar hvort það að játning sé komin fram hafi einhver áhrif á ákvörðun refsingar fyrir þau brot sem sakfellt er fyrir.
    Í öðrum kafla er að finna yfirlit yfir það hvaða áhrif játning getur haft í sakamálaréttarfari þegar komið er fyrir dóm. Kaflinn skiptist í fimm undirkafla, en í fyrstu þremur undirköflunum er fjallað um íslenskt sakamálaréttarfar. Að þeirri umfjöllun lokinni kemur stutt umfjöllun um meðferð játningamála í öðrum löndum, þ.e. á Norðurlöndunum annars vegar og í Bandaríkjunum og Bretlandi hins vegar.
    Í þriðja kafla er fjallað um hvaða áhrif játningar hafa á rannsóknarstigi sakamála en kaflinn skiptist í þrjá undirkafla og meginþema kaflans lýtur að meginreglunni um milliliðalausa sönnunarfærslu í sakamálum.
    Með fjórða kafla lýkur umfjöllun ritgerðarinnar um áhrif játninga í sakamálaréttarfari. Þar er greint frá öðrum áhrifum játninga við meðferð sakamála en kaflanum er skipt fjóra undirkafla. Fyrst er fjallað um sáttamiðlun í sakamálum, því næst skilorðsbundna ákærufrestun, svo um sektargerðir lögreglumanna og lögreglustjóra ásamt sektarboði lögreglustjóra og að lokum um áhrif þess að játning kemur fram eftir að dómur fellur.
    Í fimmta kafla hefst annar hluti ritgerðarinnar, þar sem krufið er til mergjar hvað það er sem áhrif hefur á ákvörðun refsingar í sakamálum en á meðal þess má nefna játningar sakborninga. Kaflanum er skipt í fimm undirkafla þar sem þau hugtök eru skýrð sem koma til álita þegar dómari tekur ákvörðun um þyngd refsinga.
    Sjötti kafli er helgaður viðurlagapólítískum álitaefnum er tengjast játningum og ákvörðun refsingar. Kaflanum er skipt í fimm undirkafla. Í fyrstu þremur er hugtökum viðurlagapólítíkurinnar gerð skil en að því loknu taka við tveir kaflar þar sem þeim álitaefnum er velt upp, hvort játningar ættu að hafa áhrif þegar dómari kemst að niðurstöðu um þyngd refsingar og hvort slíkt samræmist reglunni um réttláta málsmeðferð í sakamálum.
    Í sjöunda kafla er svo komið að rannsóknarhluta ritgerðarinnar en þar eru reifaðir dómar í nokkrum brotaflokkum með það fyrir augum að kanna tíðni og áhrif játninga í þeim brotaflokkum.

Samþykkt: 
  • 2.5.2013
URI: 
  • http://hdl.handle.net/1946/14632


Skrár
Skráarnafn Stærð AðgangurLýsingSkráartegund 
Játningar í sakamálum Lokaskjal(læst).pdf644.05 kBOpinnHeildartextiPDFSkoða/Opna