Er þörf fyrir handbók á sviði mannauðsstjórnunar fyrir íslensk fyrirtæki og stofnanir?

Abstract

Rannsókn þessari er ætlað að svara því hvort að mannauðsstjórar, starfsmannastjórar og þeir stjórnendur sem sinna stöfum á sviði mannauðsstjórnunar telji að þörf sé fyrir handbók á sviði mannauðsstjórnunar fyrir íslensk fyrirtæki og stofnanir. Lagðar voru spurningar fyrir þátttakendur sem gætu varpað ljósi á hvað aupplýsingar slík handbók ætti að innihalda, einnig voru þátttakendur spurðir að því hverjir væru æskilegir við gerð handbókarinnar þannig að það sem þar kæmi fram væri áreiðanlegt Í fræðilega hluta rannsóknarinnar er mannauðsstjórnun skilgreind, sagt frá hlutverki, framtíð og hver staða mannauðsstjórnunar er á Íslandi. Notast var við megindlega aðferðafræði við gerð rannsóknarinnar. Spurningalisti var birtur á lokuðu svæði hjá Flóru félagi mannauðsstjóra. Spurningalistinn var einnig sendur í tölvupósti til 159 stjórnanda fyrirtækja og stofnanna sem valdir voru af handahófi. Alls kláruðu 87 þátttakendur að svara spurningarlistanum og var svarhlutfallið 55%. Helstu niðurstöður rannsóknarinnar, eru að það virðist vera þörf fyrir því að handbók á sviði mannauðsstjórnunar fyrir íslensk fyrirtæki og stofnanir yrði gefin út. Flestir voru sammála um að slík handbók gæti gagnast þeim vel í stöfum sínum þá sér í lagi sem gagnvirkur vefur þar sem efni hennar er aðlagað íslenskum aðstæðum. Upplýsingar vefsins áttu að mati þáttakenda að vera unnar þverfaglega eða af starfandi mannauðsstjóra, fræðimanni, ráðgjafa og sérfræðingi í vinnusálfræði. Einungis voru 11% þátttakenda sem töldu ekki vera þörf á handbók á sviði mannauðsstjórnunar.