Eitt er mest, að ertu til, alt sem þú hefir lifað: Kenningar- og sagnfræðileg umfjöllun um fólksflutninga og menningarheim Vestur-Íslendinga út frá landnámi þeirra í Norður-Ameríku á árunum 1870-1914

Abstract

Ritgerð þessi er kenningar- og sagnfræðileg umfjöllun um fólksflutninga og menningarheim Vestur- Íslendinga út frá landnámi þeirra í Norður Ameríku á árunum 1870-1914. Fjallað er á fræðilegan hátt um hnattvæðingu, fólksflutninga, innflytjendur, menningu, fjölmenningu, þjóðernishópa og þverþjóðleika út frá fólksflutningum Íslendinga til Vesturheims. Notast er við margvíslegar sagnfræðilegar heimildir og fjölbreyttar mannfræðikenningar til að sýna hversu viðamikill heimur innflytjandans er. Helstu niðurstöður eru að ætíð verður að skoða atburði sem þessa í sögulegu og hnattrænu samhengi og að fræðilegar kenningar nútímans er einnig hægt að nota til að skilja og útskýra fortíðina.