Internetfíkn: Second Life, fötlun og Facebook

Abstract

Viðfangsefni þessarar ritgerðar eru netheimar og Internetfíkn. Kynntar eru rannsóknir á Internetfíkn og verk fræðimanna sem hafa fjallað um hvernig megi greina og hugsanlega meðhöndla Internetfíkn. Tvö netrými eru skoðuð í tengslum við Internetfíkn, annarsvegar sýndarveruleikaheimurinn Second Life og hinsvegar samskiptavefsíðan Facebook. Hugtökin sýndarveruleiki (e. virtual), kjötheimur (e. actual) og raunveruleiki (e. real) eru rædd m.a. í tengslum við hvernig fólk sem eyðir miklum tíma í netheimi upplifir sig með sérstakri áherslu á einstaklinga með fötlun. Umræðan um Facebook snýst um friðhelgi einstaklinga og hvernig þessar miklu upplýsingar sem vefsíðan hefur að geyma um einstaklinga getur alið af sér upplýsingafíkn og Internetáráttu sem getur meðal annars leitt til sambandsslita.