Samanburður heilbrigðiskerfa: Ísland og Bandaríkin

Abstract

Á síðustu árum hafa átt sér stað miklar umræður um heilbrigðismál, bæði hér heima og erlendis og skiptist fólk oft á tíðum í tvo ólíka hópa eftir því hvaða skoðanir það hefur á þessum málaflokki. Heilbrigðismál eru stærsti málaflokkur flestra nútímasamfélaga og leggja allir stjórnmálaflokkar sig fram við að móta markvissa stefnu um þau, um leið og þeir kynna hver sína hugmyndina um hvernig hagkvæmast sé að reka heilbrigðiskerfið hverju sinni. Í þessari ritgerð verður áhersla lögð á að skoða heilbrigðiskerfi Íslands og Bandaríkjanna, kosti þeirra og galla, að hvaða leyti þau séu ólík og hvað sé líkt með þeim. Jafnframt verða tekin fyrir heilbrigðiskerfi annarra vestrænna ríkja og þau skoðuð í samanburði við Ísland og Bandaríkin. Í upphafi verður fjallað um heilbrigðiskerfi almennt, þróun þeirra og breytingar á síðustu áratugum. Þá verða heilbrgðiskerfi Bandaríkjanna og Íslands rædd hvor um sig, og að lokum verður tekin fyrir samanburður á þjónustu landanna tveggja.