Tilbrigði við stef : um námskrárfræði og þróun í námskrám í tónmennt 1960-2007

Abstract

Í ritgerðinni er varpað ljósi á þá þróun sem orðið hefur í námskrám í tónmennt frá 1960 til dagsins í dag. Greint er frá helstu einkennum hverrar námskrár og megináherslum kennslunnar hverju sinni. Innihaldsþættir námskránna eru svo bornir saman til að sýna fram á helstu breytingar og um leið þá þróun sem átt hefur sér stað. Á undan umfjölluninni um tónmenntarnámskrárnar er skyggnst inn í heim námskrárfræðinnar þar sem meginstefnur námskrárþróunar og helstu hugmyndir fræðimanna um fyrirbærið námskrá eru skoðaðar. Leitað er svara við klassískum námskrárspurningum eins og: Hvað er námskrá? og hvað þarf námskrá að innihalda? Er þetta fyrst og fremst gert til að sem skýrust mynd fáist á þá umfjöllun sem á eftir kemur.Lykilorð: Aðalnámskrá, námskrá, námskrárfræði, tónmennt.