is Íslenska en English

Lokaverkefni (Bakkalár) Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/14968

Titill: 
  • Vestrahetjur og veraldarhamfarir: Birtingarmyndir hinnar klassísku vestrahefðar í alheimsumróti auðnarmyndarinnar
Námsstig: 
  • Bakkalár
Útdráttur: 
  • Markmið þessarar ritgerðar er fyrst og fremst að sýna fram á tengsl milli hins klassíska vestra og hinnar heimsslitakenndu auðnarmyndar (e. post-apocalyptic wasteland film) og hvernig líta má á auðnarmyndina sem nokkurs konar arftaka vestrans bæði hvað varðar hugmyndafræði og frásagnaruppbyggingu. Fyrst er leitast við að skilgreina auðnarmyndina sem undirgrein heimsslita- og vísindaskáldskaparmynda og setja greinina í sögulegt og greinafræðilegt samhengi. Síðan er farið stuttlega yfir sögu vestrans og litið sérstaklega til hnignunar greinarinnar um það leyti sem auðnarmyndin kemur fram á sjónarsviðið. Því næst eru tekin þrjú skýr dæmi um auðnarmyndir, Mad Max 2: The Road Warrior, Waterworld og The Book of Eli, og þau greind í samræmi við strúktúralíska greiningu Will Wright á klassíska vestranum, sem tekur mið af kenningum Vladimir Propp og Claude Levi-Strauss, til að sýna fram á líkindi í frásagnaruppbyggingu klassíska vestrans og auðnarmyndarinnar. Sérstaklega er notast við fyrir fram gefna forskriftarþætti og andstæðupör. Til að tengja hugmyndafræðina sem liggur að baki greinunum er svo notast við skrif Claire P. Curtis um heimsslitaskáldskap og samfélagssáttmálann og greiningu Wright á félagslegri merkingu vestrans. Þessar kenningar eru heimfærðar á dæmin sem tekin eru og leitast við að sýna fram á skýr hugmyndafræðileg tengsl milli auðnarmyndarinnar og vestrans. Þetta er svo dregið saman í lokin í von um að tekist hafi að varpa ljósi á náin tengsl greinanna tveggja og sýna fram á að líta megi á auðnarmyndina sem nokkurs konar vestra fyrir heim sem hefur tapað sakleysi sínu.

Samþykkt: 
  • 8.5.2013
URI: 
  • http://hdl.handle.net/1946/14968


Skrár
Skráarnafn Stærð AðgangurLýsingSkráartegund 
Vestrahetjur og veraldarhamfarir.pdf543.19 kBOpinnMeginmálPDFSkoða/Opna
TSS-forsida.pdf29.91 kBOpinnForsíðaPDFSkoða/Opna
TSS-titilsida.pdf6.39 kBOpinnTitilsíðaPDFSkoða/Opna