Sögur frá Curramba þar sem strönd, sjór og vindur mætast

Abstract

Smásögurnar í þessari ritgerð eru sex talsins og eru sprottnar úr raunveruleikanum en eru klæddar, mismikið þó, í heim ímyndunar. Sögurnar eru á íslensku en með tón Karíbahafsins. Allar sögurnar endurspegla skort af einhverju tagi. Fátækt er það sem fólkið í „Anítu“ upplifir; skortur á skynsemi hrjáir föður drengins í „6“; í „Angelicu“ er það skortur á réttindum kvenna; Klöru í „Samúel og Klöru“ skortir hugrekki til að slíta sambandinu og Pepe og fólkið í „Betra horninu“ skortir meiri ákafa. Ritgerðin er tilraun til þess að gleyma ekki uppruna mínum; að leyfa ekki þokunni að hylja ímyndunaraflið; að leyfa sögunum að flæða á sama skýra háttinn og var einu sinni, tilraun til þess að gleyma ekki heimi barnæskunnar, unglings- og fullorðinsáranna. BA-verkefnið er tilraun til þess að leyfa sögunum að lifa á íslensku og til að ná tökum á íslenskri málfræði í þeirri von að læra málið enn betur.