Tengsl hreyfingar á meðgöngu við heilsu móður og barns : fræðileg umfjöllun

Abstract

Í þessari fræðilegu umfjöllun var fjallað um áhrif hreyfingar á meðgöngu á heilsu móður og barns út frá stöðu þekkingar í dag. Greint var frá æskilegri tegund hreyfingar á borð við þolþjálfun, styrktarþjálfun, vatnsleikfimi og meðgöngujóga. Samhliða ítarlegri umfjöllun fylgdu tillögur af æfingum, með myndum og útskýringum. Einnig var fjallað um magn hreyfingar ásamt viðeigandi þjálfunarálagi og takmarkandi þáttum. Auk þess var komið inn á mikilvægi hreyfingar við daglegar athafnir og samspil næringar og hreyfingar haft til hliðsjónar.Rannsóknir á hreyfingu barnshafandi kvenna sýna að hreyfing á meðgöngu hefur hvorki skammvinn né langvinn skaðleg áhrif á fóstrið. Út frá niðurstöðum þeirra eru þær barnshafandi konur sem lifa heilbrigðu líferni að móta barn sitt til framtíðar. Á heildina litið eru kostir hreyfingar á meðgöngu mun fleiri en hugsanleg neikvæð áhrif.Lykilorð: Hreyfing, meðganga, barnshafandi konur, tegund hreyfingar.