Konur í jakkafötum

Abstract

Í ritgerð þessari verður tísku- og útlitsfyrirbærið “konur í jakkafötum” skoðað í tengslum við kvenréttindabaráttu vestrænna kvenna. Í tilraunaskyni til þess að skilja merkingu og umfang þessa fyrirbæris betur verður litið á tíma sem einkenndist mikið af breytingum í sögu kventískunnar. Um er að ræða aldamótin 1900 en áberandi þróun innan klæðaburðar kvenna í vestrænu samfélagi átti sér stað um það leyti. Skoðað verður hvort áfangar innan tísku og frelsisbaráttu kvenna í vestur hluta heimsins tengist og hvernig. Tilraun verður gerð til að greina fyrirbærið samkvæmt kenningum um ímynd sem og sjálfsmynd vestrænu konunnar. Hver er samfélagslega hugmyndin um konuna? Og hvað er það sem gerir konu að konu? Út frá slíkum vangaveltum verður skoðað hvernig staða, hlutverk og ímynd konunnar tengist útliti hennar. Einnig verður gerð tilraun til að færa rök fyrir því að útlit vestrænu konunnar hafi mikið gildi fyrir hvernig samfélagið upplifi hana og hafi þar með áhrif á hvernig staða hennar er í samfélaginu. Ákveðnar konur sem hafa klæðst jakkafötum á opinberum vettvangi á 21. öld verða skoðaðar út frá kenningum Judith Butler og Simone de Beauvoir um sjálfsmynd konunnar. Þær konur sem notaðar verða sem dæmi hafa notað jakkafötin til yfirlýsinga og sem einhversskonar mótmæli. Þannig verður einnig reynt að færa rök fyrir því að fatnaður og útlit geti verið notað sem tól til að sýna fram á málefnalegar skoðanir.